Ailad iaka NBCC ban bteng ker sainar shiah haduh u bnai Lber: DC EJH

Syllad | The Rising MeghalayaFebruary 24, 2021

U Deputy Commissioner, East Jaintia Hills District Bah E Kharmalki, IAS ula kyntu ia u waheh shnong/secretary shnong jong ka Hingaria ban ailad iaka NBCC ban ker sainar shiah ha katei ka shnong khappud India-Bangladesh tad haduh bnai Lber (March) 2021.

 U Bah Kharmali haka shithi kaba ula phah sha u whaheh shnong/ secretary shnong Hingaria katkum ka shithi (No EJHD/LA-7/Pt-I/2021/19, Dated Khliehriat the 17^th February 2021, phang: Jingshna iaka Indo-Bangaldesh Boder Fencing na BP No 1301/4S haduh BP No 1316 ula ong “Nga kyrpad ia phi ba phin sngewbha ban ailad iaka NBCC ban bteng iaka jingshna Border Fencing haka shnong jong phi tang haduh u bnai March 2021.

“Ka District Administration kala ai jingthoh sha ka Ministry Home Affairs jong ka Sorkar India ban pynioh iaka jingsiew hapoh u bnai March 2021. La kyrpad ia phi sa shisien ban phin sngewbha ban pynsngewthuh iaki nongshong shnong jong phi kiba shah ktah da ka jingshna iaka Border Fencing ban kin sa ioh iaka jingsiew mar sien ioh pisa na Ministry Home Affairs jong ka sorkar India,” la ong ka shithi u DC.

Ka jingthud ka jingpyntrei ïa ka jingker sainar ha khappud ha Hingaria kala jia naduh u bnai Naiwieng 2019 ha kaba ki paidbah kiba daw aka sorkar ka dei ban siew iaka bai lutksan namar ba bun ki jaka rep jong ki kila shah ktah bad shah pynjulor haka jingker sainar shiah.

Ka Joint Action Committee Fencing of Borders Hingaria lyngba u president u Marshall SB Biam ula ong ba kila pan iaka thup kyrteng jong ki 63 ngut ki nongshong shnong ka Hingaria kiba dei ban ioh ïa ka bai lutksan kumjuh ka dor baka sorkar ka thmu ban ai bad ki dang ap iaka jubab na ka bor shynshar district.

Ka commitee kala dawa ba ka jingsiew ka dei ban long katkum ka jingheh ka jaka bad ka jingshah ktah khnang ban myntoi u paidbah nongshong shnong, uba bun hi dei u nongrep.