Ailad ka Ïingbishar ba hakhliehduh ka ri ban shalan ïa u dewiong ha Jylla

Syllad | The Rising MeghalayaMay 10, 2019

SHILLONG: Ka Ïingbishar ba hakhliehduh ka Ri- Ka Supreme Court mynta ka sngi kala rai ban shah ban shalan ïa u dewiong ba 75000 metric ton haduh 31 tarik une u bnai ryngkat bad ka jingteh kyndon ïaka sorkar Meghalaya ba ka dei ban pynthikna ba ym dei ban shalan ne tih lait na u dewiong uba la dep ai challan.

Katkum ka hukum bala ai da u Justice Ashok Bhushan haka sngi Thohdieng “Ngi pyllait bad shah ban shalan ïa u dewiong ba 75050 mts uba la dep pyllait challan.”

Ka jingshalan dewiong kan sdang hadien ka jingai syrnod  jingpynshisha  da u ophisar u ba bat ïaka kyrdan Deputy Commissioner ba yn shah ban shalan dewiong naduh 17 haduh 31 mynta u bnai bad hadien kane ym shah shalan shuh ïa u dewiong.