Aiti ka JHDS bad ka Khublei Germany ia ki ar tylli ki iing ba duk ha Mihmyntdu bad Khanduli

Syllad | The Rising MeghalayaSeptember 27, 2023

Ka Jaintia Hills Development Society (JHDS) rynkat ka jingiatreilang ka Khublei Germany ki la plie paidbah ia ki artylli ki ïingbaduk ia kaba la tei kyrpang naka bynta ki longiing baduk haka shnong Mihmyntdu bad Umshyngiar Khanduli.

Kine ki artylli ki iing kidei ba la tei iaka Kong Biki Biam na ka shnong Mihmyntdu bad ia u Ma Gerald Siangshai na ka shnong Umshyngiar Khanduli.

Ia kine ki artylli ki iing la shna bad pynbit pynbiang da ka JHDS ryngkat ka jingkyrshan na ki arngut ki nongiarap kiba na ka Ri Germany kita ki long u Thomas bad ka Petra Meyer.

Iakaiing jong ka Kong Biki Biam la plie ha ka 25 tarik da u Gerhard Albert,President ka Khublei Germany bad la kyrkhu da u Fr. Simeon Sungoh, GB member ka JHDS ha ryngkat ka jingiadonlang u Fr. Manbha Pakem, Director JHDS, ki Staff bad ki nongialam ka Balang Katholik Mihmyntdu.

La aiti sha ka longiing ka Kong Biki Biam ia kane ka iing ha ryngkat bad kiwei de ki tiar ba donkam kiba kynthup shiset ki shuki sofa, artylli ki palong jingthiah, ki miej, ki stole, ka almari bad kiwei de ki jingdonkam.

Haka 26 tarik pat la plie sa iaka iing haka Umshyniar Khanduli ha kaba la aiti iakane ka iing sha ka longiing u Ma Gerald Siangshai.

Laplie ia kane ka iing da u Coordinator ka JHDS u Ma Denis Kurkalang bad lakyrkhu da u Fr Manbha Pakem Director JHDS ryngkat ka jingiadonlang u Presidentka KHUBLEI Germany, ki staff ka JHDS bad ki nongialam ka Seng Rangbah Katholik Namdong Parish.

Iaka jinglut jingsep haba tei ia kane ka iing la pynbit pynbiang da ka JHDS badka KHUBLEI Germany ryngkat ka jingkyrshan ka Seng Rangbah Katholik Namdong Parish.

U Director ka JHDS u la pynpaw ka jingsngewnguh ia baroh kiba donkti bad kyrshanban pynshna ia kine ki artylli ki Iingbaduk kiba donkam jingiarap.