Aiti ka JHDS bad Khublei Germany sa kawei ka iing baduk ha Nongjngi

Syllad | The Rising MeghalayaNovember 9, 2024

Da ka jingthmu ban nohsyniang ha ka imlang sahlang khamtam ban iarap ia u duk u suk, sa shisien pat, ka Jaintia Hills Development Society (JHDS) ha ryngkat ka jingkyrshan ka Khublei Germany kila aiti ia kawei ka iing ba lah dep shna ia kawei ka longing baduk kaba don ha ka shnong Iangkar Nongjngi, West Jaintia Hills District.

Ia kane ka ïing la iarap bei tyngka da ka Kong Petra Mayer kaba na ka Ri Germany bad la pynshna bad pynbit pynbiang da ka Jaintia Hills Development Society (JHDS) kawei na ki Seng Treimon Sngewbha ha rilum Jaintia.

Ia kane ka iing ba thymmai ha ryngkat bad katto katne ki tiar ba donkam kiba kynthup ia ki shuki sofa, 2 tylli ki palong, 10 kylli ki stole, ka duli ka miej, ka painkhana, la aiti noh sha ka ïing ka sem jong ka Kong Maria Sumer haka 9 tarik Naiweing 2024.

Shuwa ban aiti ia kane ka ïing, la don ka prokram ba lyngkot ba la pyniaid da ka Kong Auxilia Dora Niang, Account ka JHDS ha ka jingiadonlang ki Meat Sumer, Rangbah Shnong, u Bah Denis Kurkalang, Coordinator ka JHDS ryngkat bad katto katne ki dkhot jong ka Dorbar Shnong Iangkar.

Shuwa ban ot ia u ribbon la ioh ka jingduwai kyrkhu kyrdoh da u Fr. Manbha Pakem, u Direc Ka JHDS, ryngkat ka jingsynran lang u Head Cathechist ka Mynsngat Parish, u Ma Hamkom Pale. Ha kaba kut ka prokram, ka Kong Maria Sumer ka la ai khublei ia ki nongiarap, kyrpang eh ia ka JHDS kiba la shim ia kane ka sienjam ban pynioh ia ki kane ka iing ba paka namar baroh shikatta ki la shu shong ha ka iing ba la jot bha.