Aiti ka Ladthadlaboh Dorbar Chnong iaki khusnam sha ki nongjop khalai nusib

Syllad | The Rising MeghalayaNovember 14, 2024

Ka Ladthadboh Dorbar Chnong, Jowai haka step 14 tarik u bnai Naiwieng kala aiti iaki khusnam sha ki nongjop khalai nusib (Lucky Draw) kaba la pynkhlai haka 8 tarik Naiwieng 2024.

Ka khusnam kaba nyngkong kaba dei ka Maruti Alto, la iohrah da u Ma Kermi Langbang uba na ka shnong Shangpung.

Katba ka khusnam ba ar- ka ksiar ar tola, la iohrah da u Rudy Dkhar uba na Riat-Thalaboh. Iaki lai tylli ki consolation prize (Mar T.10000/-) la ioh rah ka Kong Dei i mon Paslein na Riatmoolain, Ma Niwen Shylla Mooralong bad u Ma Esin Stone Biam na Raliang.

Ar tylli kiwei pat ki consolation prize haduh ba thoh iaka khubor ym pat don ba kam.

Ha kane ka jingaiti iaki khusnam la iadonlang u Ma S Bareh uwei na ki riew rangbah ka shnong, u Waheh Chnong Ladthadlaboh ABM Shullai nalor ki dkhot shnong bad ki nongjop.