Aiti ka sorkar Meghalaya iaka metiap u nongialam barim ka Bangladesh Chhatra League

Syllad | The Rising MeghalayaAugust 31, 2024

Ka sorkar Meghalaya haka step 31 tarik Nailar kala aiti iaka metiap u nongialam napoh Bangladesh uba dei ruh u General Secretary barim jong ka Bangladesh Chhatra League bad dkhot ba hakhmat ka Awami League u Ishaque Ali Khan Panna.

Ka bor district jong ka East Jaintia Hills kala aiti iaka metiap haka por kumba 5 baje eiei mynstep naka jaka buh metiap ha Khliehriat Civil Hosipital bad la kit iaka metiap jong u Ishaque da ka mortuary van haduh ha kad khaii ha Dawki Tamabil. Hadien ba la pyndep iaka jingdonkam jong ka aiñ, ka sorkar Bangladesh kala shimti iaka metiap ha Tamabil.

Lah ban pynkynmaw ba iaka metiap jong une u nongialam napoh Bangladesh la lap haka 26 tarik Nailar na kawei ka bri kwai kaba thiah lyngktar ha ki bynta jong ka Dona Bhoi, East Jaintia Hills District kaba jngai tang kumba 1.5 km na ka jaka khappud ka India-Bangladesh.

Une u nongialam na Bangladesh u thmu ban phet rieh sha India hadien ka jingklumar ha Bangaldesh.