Aiti u Dy. CEM ka JHADC iaka kali Ambulance sha ka shnong Pynthorsale

Syllad | The Rising MeghalayaMay 11, 2021

U Deputy CEM, Jaintia Hills Autonomous District Council (JHADC) u Ma Lasky Rymbai ula pyllait paidbah ïaka kali kit nongpang (Ambulance) na bynta ka shnong Pynthorsale, East Jaintia Hills District.

Ïa kane ka kali kit nongpang, la aiti haka sngi ba Ar haki nongïalam shnong ba kynthup u Waheh Shnong Yoki Phawa, Secretary shnong Pyrdim Phawa, Chairman shnong Sahon Sana, President VDP Shaniah Phawa bad ki katto katne ngut ki riew rangbah ka shnong.

Ia kane ka kali kit nongpang la pynïoh lyngba ka skhim SAG jong u snem 2019-2020.

U Dy CEM, JHADC uba long ruh u MDC ka Tuber, ula ong ba kane ka kali kan ai jingshakri na ka bynta kito kiba mad jingeh ban kit ban bah ïa kiba pang ba shitom ha katei ka thain.

Ula ong ba kum u nongmih khmat paidbah u lap ba bun ki longïing ym tang hapoh ka konstituensi jong u ki shem jingeh haba jia ka pang ka shitom ne ki jingjia ba sngewsih namar kim ïoh Ambulance ban pynkit sha ki jaka ai jingsumar.

Ula kyntu ia ka bor pyniaid shnong ka Pynthorsale ban sumar bha iaka kali ban myntoi ki paidbah nongshong shnong.

Ki nongialam shnong ka Pynthorsale kila pynpaw ka jngsngewnguh ia u MDC halor ka jinglah jong u ban pynioh ia kane ka kali ban shakri iaki paidbah haka pang ka shitom.