Aiti u Kyrmen Shylla iaka song pisa sha ka lahduh ka Super League ka EJHDFA
U Kyrmen Shylla ula aiti iaka song pisa kaba T.1 lakh bad T.50 hajar sha ki lahduh ka Super League Football Tournament kaba tip ruh kum ka 2nd Kyrmen Shylla Contribution Trophy kaba pyniaid da ka East Jaintia Hills District Football Association haka sngi Nyngkong.
Ka Rymbai Iawpynsin ka dei ka lahduh haka Super League hadien ba kala wan haka kyrdan kaba khliehduh haka miej iakhein poin, katta kala kamai 15 poin na ki 7 sien iakhun katba ka ka Sutnga SSSC kaba kamai 13.
Ka namjop ka Rymbai Iawpynsin ha kane ka league kan ioh ka lad ban mihkhmat ruh iaka district East Jaintia Hills sha ka Meghalaya State League 2022.
Ha kane ka sngi la sam iaki medals bad certificate sha ki nongialehkai baroh ar kynhun. Iaka Emerging player award la ioh da u Beneson Suting jong ka Khliehriat West FC.
La pynlong iakane ka jingialang haka mini football ground ka association. Ha kane ka sngi la iadonlang ruh ki rangbah naka thain, ki nongialam bad dkhot ka EJHDFA bad kiwei kiwei
Facebook
Instagram
Youtube
Twitter
Leave a Reply