Aiti u ma Wailadmiki Shylla iaki lai tylli ki ambulance sha ka Ladthadlaboh, Mukhla bad ka synjuk waheh chnong Jowai

Syllad | The Rising MeghalayaJuly 7, 2021

U MLA jong ka Jowai, u ma Wailadmiki Shylla ula aiti iaki 3 tylli ki kali kit nongpang (Ambulance) sha ka synjuk ki waheh shnong Jowai bad ka shnong Mukhla bad Ladthadlaboh haka sngi Balang.

Ïa kine ki ambulance la thied na ka MLA scheme Special Rural Works Programme (SRWP).

Ha kane ka jingialang pyllait iaki ambulance la iadonlang u MP Rajya Sabha, Dr WR Kharlukhi, ki MDC ba kynthup ia u MDC ka Jowai North u ma Brightstar Chyrmang, u MDC Mukhla Wahiajer u Ailad Bhoi, u MDC Sohmynting Khliehtyrshi u Lakhon Dkhar haka jingialang kaba pyniaid u ma Octomewot Lamin, Nominated MDC uba long ruh president NPP, West Jaintia Hills haka jingiadonlang ki nongialam bad dkhot ka synjuk waheh shnong Jowai u ma Alan Niangti bad u ma LD Lakiang nalor kiwei kiwei.

U Ma Wailadmiki haba kren ula kyntu iaki nongialam shnong ba kynthup iaka Mukhla, Ladthadlaboh bad ka synjuk waheh shnong Jowai ban pyndonkam hok ia kine ki ambulance ban myntoi ki nongshong shnong.

Kiwei kiwei kiba kren ki kynthup ia u MP Rajya Sabha, ki nongialam ka synjuk Waheh shnong kiba la ai ka jingkhublei ia u MLA Jowai bad ki kyrmen bad u nang lah shuh ban treikam khambha ban wanrah iaka roi ka par ka Jowai bad ka district hi baroh kawei.