Angnud ka JMB ban wanrah da ka buit Umpling ban pyniakhlad niut ha Jowai

Syllad | The Rising MeghalayaJuly 6, 2022

Ka Jowai Municipal Board (JMB) ka angnud ban pyndonkam da ka buit ka Waste Recovery Centre jong ka Dorbar Shnong Umpling, Shillong.

Ia kane la ong da u Chairman jong ka JMB u Ma Lasooki Lakiang haka sngi Balang hadien ba wan ialam iaka synjuk ki waheh shnong haka sien kaba ar sha Umpling. Ha kane ka jingleit sylli iaka rukom pyniakhlad niut ka Umpling la ialam ruh iaki nongpyniaid iew ha Jowai kaba kynthup iaka JHADC ban peit thuh bad ban iathir jingmut kumno ban pynjem iaka jingeh ka sor Jowai shipor n aka ñiut.

U Ma Lakiang ula ong ba kin bud iaka nuksa jong ka Waste Recovery ka Umpling ban pynkylla sboh iaka ñiut bad kin iakren biang ia kane ka kam ha Jowai ban pyrshang noh daka buit jong ka Umpling, kaba duna dor bad ka bym donkam jaka shibun.

Ha kane ka jingleit hiar ka JMB bad ki waheh shnong sha Umpling la donlang ka Larisa Mary Lakadong IEC Specialist SBM Urban Urban Affairs Department, Shillong kaba la batai bad ruid nuksa ia kaei kaba ka Waste Recovery kala leh bad kumno ka jop ia ki jaboh jabain.

Ka shnong Umpling ka don 2300 tylli ki longing bad ki pynmih kumba san ton ka ñiut man ka sngi bad na kane sawphew naka shispah ka dei kaba pyut (biodegradable), Khatsan percent pat kaba lah ban pyndonkam biang (reusable) bad laiphewsan naka shispah pat ka dei kaba lah ban pynkylla thymmai biang (recyclable).

Ka sboh kaba mih naka ñiut pat ki die sha kino kino kiba donkam sboh. Kane ka Waste Recovery Centre ka Umpling ka rung haduh 4 ton ka ñiut.

Katkum ka jingbatai Banbhalang Diengdoh uba long uwei na ki samla ba pyntrei ïa kane ka kam ban pynkylla sboh ïaka ñut ha kane ka centre, ula batai shaphang ka rukom kaba ki leh bad kumjuh ruh ki kynja dawai kiba ki pyndonkam bad ula ong ba ka donkam ban hikai tang 2 bnai.