Ap jingma ki transformer ha Pamrakmai bad Pamrapaithlu dawa ai jingiada ka JSM

Syllad | The Rising MeghalayaAugust 5, 2021

Ka Jaintia Students’ Movement (JSM) kala dawa mardor na u Sub- Divisional Officer, MeECL Sutnga Distribution Division East Jaiñtia Hills District ban ker ia ki ar tylli transformer kiba ap jingma bad lah ban wanrah jingjia mynsaw mynsnam khamtam iaki khynnah haka shnong Pamrakmai bad Pamrapaithlu.

Kine ki ar tylli ki transformer kiba la buh ha kitei ka shnong ki dei kiba la shu ieh khlem kano kano ka jingker bad la lehklet iaka jingshngain ki nongshong shnong bad khamtam ki khynnah, la ong u WRD Siangshai president JSM eastern region.

Ula ong ruh ba ki don bun tylli ki post bording elektrik kiba la bam sarang bad ki lah ban khyllem ha kano kano ka por lada ym maramot kloi ia kine ki post.

Ka JSM kala pynsngew ruh ha une u engineer halor ka jingkiew dor ka bai thang bording ki nongshong shnong kaba la buh jingeh iaki ban siew ha kum kane ka por ka khiam ka khait naka jingwan lynsher ka khlam.

Nakaliang une u engineer ula kular ban shimkhia ban leh iaka ba donkam ban shngain u paidbah nalor ban peit halor ka bai bording, la ong ka JSM.