Ap ka jingma iaka surok ba pyniasoh iaka Sutnga Jalaphet: HYC

Syllad | The Rising MeghalayaFebruary 3, 2021

Ka Hynniewtrep Youth Council (HYC) East Jaintia Hills Circle kala ong ba ka surok kaba pyniasoh iaka Sutnga bad ka Jalaphet Bri Sutnga bad kiwei kiwei ki shnong ka don haka jingma bad ka donkam ka jingmaramot ba kyrkieh.

Kane ka surok kadei kaba pyniasoh iaka Sutnga, Jalaphet, Moolait, Samasi, Mynthlu, Pala, Umkyrpong bad kiwei de ki shnong bad ka bynta ba sniew kane ka surok kadei ha Jingkieng Sarbang Jalaphet n aka daw ka jingtwa khyndew kaba la jia ha u snem bala dep.

Ka HYC haka jingialam u vice president Michael Chyrmang bad ki dkhot hadien bala wan jurip ia katei ka surok kila ai da ka dorkhat sha u Executive Engineer PWD Road, Khliehriat East Jaintia Hills District ban kyntu ban maramot ia ka bynta kaba twa ka khyndew ban lait na kino kino ki jingeh haka aiom slap.

“Mynta ka iaid ka ieng ki kali ka thud namar ba hap ban iaid tang shilliang ka surok hadien ka jingtwa ka surok,” la ong u Michael Chyrmang bad ban jur ia u MLA ka thain ban shimkhia ban shna iaka surok.