Ap ka kuna 5000 ia kiba leh pyrshah iaka kyndon shnong ka Amlarem

Syllad | The Rising MeghalayaFebruary 1, 2023

Ka Dorbar Shnong Amlarem kala pyntip paidbah ba kala khang pyrshah ia baroh ki nongkyrshan jong ki Political party bapher bapher ba kim dei ban pyntem sur hapoh shnong Amlarem hadien 10:00 PM shaneng bad lada lap ba don kiba ialeh pyrshah ia kane ka kyndon ka Dorbar Shnong kan pynshitom da kaba dain kuna T.5000 /-.

U kyrwoh ba la phah da u ma K Pohlong Waheh Shnong Amlarem ula ong ba ka Dorbar Shnong Amlarem ka la khang pyrshah ruh ia ki briew kiba nabar shnong ban leit rung iing briew hadien ka 7:00 PM. Ula ong ba lada lap ba don kiba ialeh pyrshah iaka kyndon pyniaid shnong ka Dorbar Shnong ka pynshitom da kaba dain kuna Rs.5000 /-.

Ka Dorbar shnong Amlarem kala pynbeit bad rai ba kino kino ki Political Party kiba kwah ban pynlong meeting / Rally kidei ban pan jingbit shuwa na ka Shnong.