Ar sien shitaiew ioh ban thied juti ha West Jaintia Hills

Syllad | The Rising MeghalayaMay 14, 2020

U District Magistrate jong ka West Jaintia Hills District ha ka hukum kaba ula pynmih mynta ka sngi ula pynbna paidbah ba la shah iaki dukan die juti ban die iaki juti ha West Jaintia Hills District.

Kine ki dukan juti kila lah ban plie iaki dukan ar sien shitaiew haka sngi Balang bad ka Sngi Saitjain naduh ka 9 AM haduh 5 PM bad kine ki dukan ki ba shah ban plie ki dei kiba la jied da u Waheh Shnong jong ki shnong bapher bapher.

La bthah ba ki trai dukan ki dei ban bud ryntih iaki jingbthah bad ki dei ban buh nongtrei tang 50 percent bad ban synreit dawai pyniap khniang iaki dukan jong ki.

Nalor kata ki dei ban pyrkhing bha da kaba deng iaki mask, ban bud iaka kyndon social distancing kaba 1 metre ka jingjngai na uwei ha uwei u briew bad ba ym bit ban bynthiew katba shaba lap ba shem. Ban bud ruh iaka jinghikai ban jyrhoh bad ban sait iaka kti daka sabon bad ka um.

Kiba pynkhein ia kane ka hukum kin shah pynshitom ryngkat bad ka kuna katkum ka kyndon jong aiñ hapoh ka Section 51(b) jong ka Disaster Management Act, 2005.