Ar snem kattu

Soolangki LalooJuly 8, 2021

Ar snem kattu dala luti
Chad Niam Behdieñkhlam deilang wa ki SOP.
Laitlooid I man ymtoh de kam wajooh
Khon ka niamtre u yachimbynta dei wa ioophein ioophooh.

Langam daithah I man iongka
Kat cha wapait sadu I kylla.
Toh mo ini I tynjooh u Blai,
Nae mo I stad pakhlat u bru pyrthai?

Ïamrem I sñiaw u waboon walang
Ya ki Soo sngi Le Ïaw u pynkyrpang
Chongchit, ka-it ym ioh de kam nachwa
Hakhmat ka pyrthai u pynïoo yei man sarot iongka.

Ish! Lada I pyrthai mynder kamni beit u man i
Heiwon ka nongrim iong ka niam, rukom, dustur, riti
Sadu hei kutlad kat cha wapait liang wanang
Wym ioh de kam wamut wamang.

Hei burom mi a Trekirot
E theh I kyrkhu iwa sarot
Chirup wa ki Blai ki Syiem wa yein yada yaker
Ya ka wasih waroi, watia watun to beh kynther
Ïoh kam wa yieñ ka niam ka rukom, I ngooh I dem ka Raij ka chnong
Kamtae hi sae Kynrad,
Yooluti u hun I chong I sah, I khih I khan, I thiah I dem.