Ar taiew ai por ka JAC Namchiang ban maramot iaka surok NH 6

Syllad | The Rising MeghalayaSeptember 17, 2024

Ka JAC Dong Namchiang, Elaka Narpuh, East Jaintia Hills District, kala ai por ar taiew iaka sorkar kumjuh iaka NHAI ban maramot iaka surok bah NH 6 bad lada ym urlong kane ka jingdawa jong ki, kila maham ban mih biang sha surok ban iakhih paidbah.

Ka JAC Dong Namchiang, kiba kynthup iaki shnong ha shilynter ka surok bah NH6, kala dawa na ka Sorkar bad ka NHIDCL ban maramot noh mardor ia ka surok NH6 naduh Tongseng haduh Ratacherra-Malidor namar ka jingsniew tasam kane surok kala wanrah ruh iaka jingsniew ki kali naka por sha ka por bad ka jingsahkut kali kaba la pynthud shikatdei eh iaka iaid ieng u paidbah.

Ka JAC kala ong “Mynta kala dei ka por ba rang slap, kala ktah haduh katta katta ia ka koit ka khiah jong ki nongleit nongwan bad ki nongshong shnong khamtam ki khynnah skul namar ka surok ka la dap da ka pum pum.”

Na kaliang ka JAC kala pynpaw ba naka por sha ka por kala iai ban bad kyntu ia ka NHAI/NHIDCL ban maramot noh ia kane ka surok, hynrei ka jubab kaba ki ioh ka long ba ki dang pyntrei ia ki nala (sidedrain). Ka JAC kala ong ba katkum ka jinglap jong ka ba ka jingtrei kam jong ka NHAI/NHIDCL ka suki shaba palat bad lada iai ap haduh ban da dep ka nala, ka mut ba ki paitbah kin iai bteng ban mad ia ka jingeh ha ka leit ka wan.

Khang u DM ka East Jaintia Hills ia ki kali kit palat pud, bthah ia ka PHE ban maramot ia ki pipe um ha surok NH-6

Ka JAC ka banjur ba ka NHAI ka dei ban maramot iaka surok bad ban pyndap ia ki thliew ki syar ha shilynter u surok katba dang iaid ka jingshna nala. Haka juh ka por la dawa ban pynkloi noh ban ai rong (blacktopping) iaka surok khnang ba kan pynsuk ia ka leit ka wan jong ki paitbah.