Ar tylli ki nam lahduh khur ka Diengshynrum, ka Rymbai Madanpynriang ka lahduh haka Third Div ka EJHDFA

Syllad | The Rising MeghalayaSeptember 24, 2023

Ka kynhun ialehkai football jong ka Diengshynrum kala ioh ban rah nam lahduh haka Under-16 bad ka Second Division, katba ka Rymbai Madanpynriang kala long ka lahduh haka Third Division Football Tournament kaba pyniaid da ka East Jaintia Hills District Football Association (EJHDFA) kaba  long ha madan Diengshynrum haka sngi Saitjain.

Haba phai sha ka jingiakhun final, ka Diengshynrum kala jop da 1-0 iaka Rymbai Skhenshynriah. Ia kane ka kol la thep da u Bredly Lyngdoh 36’.

U player uba ioh iaka khusnam emerging player haka Under-16 u dei u Timing Lyngdoh jong ka Diengshynrum SC.

Kawei pat ka nam lahduh ka Diengshynrum, ka dei haka haka jingiakhun final Second Division football tournament ha kaba kala lah ban kan pynliem da 2-1 iaka Iatyllilang SC Hingaria. U Rumi Lyngdoh (3’, 43’) ula kylla long u namtam hadien ba marwei ula thep ia kine ki kol jop. Shikol na kaliang ka Iatyllilang Hingaria la thep da u Zidane Lamin 36’

Haba phai sha ka jingialehkai final haka Third Division, ka Rymbai Madanpynriang SC 3-1 pyrshah iaka Khliehmyntriang SC. U Easter Dkhar 13’, Sanhame Bareh 52’ bad u Rappormi Dkhar 68’ kila thep ia kine ki lai kol ka Rymbai Madanpynriang. Shikol ka Khliehmyntriang SC la thep da u Generous Siangshai 48’.

Ki khusnam ki kynthup iaka Best team haka third division kala leit sha ka TSC Lummyrli, Best Team second division ka Tongseng Youth SSC, ka Emerging player Third Division la ioh khur da u Raplangki Lyngdoh (Khliehmyntriang SC) Emerging player – second division da u Rumi Lyngdoh (Diengshynrum SC).

U kongsan ba wan sakhi ia kine ki phainal u dei u ma Kor Sympli ex MDC JHADC bad uba long ruh u kpa u ma Kyrmen Shylla myntri sorkar MDA ryngkat ka jingiadonlang ki nongialam bad nongkitkam ka EJHDFA.