Ba ai pisa DMF ban pynim ïaka Lukha, rai ka 6 shnong ban nym pyrshah pynheh par mawshun ka Star Cement

Syllad | The Rising MeghalayaJanuary 16, 2020

Da kane ka shithi bad ngi pyntip iaphi ba ngi kum ka Association ngi pynpaw ka jingsngewnguh kaba khraw iaphi kum ka Seng/Shnong hi baroh kawei hapoh ka jingialam jong phi ba phi la kyrshan radbah ia ngi ban pyrshah ia ka Public Hearing jong ka Star Cement kaba la long ha ka 19.10.2019 ha Brishyrnot. Ngi i ba da ka jingkyrshan ba radbah jong phi langi kum ka Association, ka public hearing jong ka Star Cement ka la pulom noh ha kato ka sngi.

Kum ban pynkynmaw la seng ia ka 6 shnong Wah Lukha Association ha u snem 2018 bad ka nongrimbad ka thong jong ka, ka long ban iada, ban pynim biang ia Ka Wah Lukha kum ha ki por mynshwa.

Shuh shuh ngi kwah ban pynpaw iaphi ba da ka jingkyrshan ka jong phi ia ngi kum ka Association, u Deputy Commissioner ka East Jaiñtia Hills District Bah FM Dopth lyngba ka DMFu la mang ban ai T.1 klur tyngka naka bynta ban shna reservoirs dam, Sewage Treatment Plant (STP), Effluent Treatment Plant (ETP) ha Mukset shaneng ka jingkieng Khaddum naka bynta ban iada ia ka wah Lukha khnang ba ki jakhlia kiba shait mih na ki Cements factory kin nym tuid shuh sha Wah Lukha. Ka Project Cost ka long haduh T. 2.5 klur baroh bad ia ka jingtrei yn leh da ka Trinity Impex International, Delhi.

Kane ka pisa kaba mang ban pynlut na ka bynta ka jingpynkhie im biang iaka wah Lukha bda Lunar lashim haka jingialang jong ka District Mineral Foundation Trust kaba long ha ka 23.12.19 ha kamra treikam jong u DC East Jaiñtia Hills uba long u Chairman bad President ka DMF.

Ka jingialang jong ka Association kaba la long ha ka 11.01 2020 ha Kuliang da kawei ka rai ba ka jingkwah lane ka jing dawa jong ngi baroh shi katta kadei ban iada, pynim biang ia ka Wah Lukha bad kane kala jan urlong bad iaka jingtrei naka bynta kane yn sdang noh ha ki taiew ban wan, te kumta ngi naka liang ka Association ngim don nongrim shuh ban pyrshah ia ka Public Hearing jong ka Star Cement ka ban long ha ka 30.01.2020 namar ba ka jingkwah jong ngi ban shna reservoirs dam, STP, ETP ban iada ia ka wah Lukha ka la iaid shaphrang.

Ngl kum Ka Association ngi kitbok kitrwiang iaphi u /ka nongialam jong ka seng/shnong ba phin ioh ka met kaba koit kaba khiah ha ka jingim jong phi bad khmtam ka jingnang jingstad, ka jingshemphang ruh khnang ba phin lah ban iada iaka jaitbynıriew ka jong ngi ha ki por ban wan bad ngi nang iai khmihlynti ruh ba phin dang iai kyrshan iangi kum ka Association ha kipor ba dang wan.