Ba hiar arsut ka synshar khadar ha JHADC, ka pynlong ia nga ban iakhun elekshon: Moonlight

Syllad | The Rising MeghalayaFebruary 1, 2025

Ka jinghiar arsut jong ka synshar khadar ha Jaintia Hills Autonomous District Council (JHADC) ka jingdkoh ka rukom treikam ka la pynbor ia nga ban mih madan biang mynta ka kynti, ong u Chief Executive Member barim jong ka JHADC u Ma Moonlight Pariat.

U ma Pariat u la wan thep kyrteng ha ka haka 31 tarik Kyllalyngkot ha DC ophis Jowai na bynta ban iakhun ia ka eleshon na Jowai South Constituency kum u kyrtong shimet.

Haba kren shuh shuh u Ma Pariat ula ong la 6 snem kata naduh u 2019 haduh 2025 ki nongtrei jong ka JHADC ki iakynduh jingeh bad kim ioh tulop la 11 bnai kynthih.

U Ma Pariat ula pynpaw ruh ka jingbynniaw ba ioh lehse naka jingtlot ka rukom treikam jong ka konsil, kan poi ka por ba u Lat ka Jylla ne ka sorkar kmie kin shimti ban pyniaid iaka konsil bad ha kata ka por ka 6th Schedule kan duh kan dam noh bad wanrah ka jingduh kaba khraw halor ka hok longtrai halor ka khyndew ka shyiap, ka dustur ka riti bad kiwei kiwei ki hok longtrai.

Lada ki paidbah ki ibit ia u ha kane ka kynti, u Ma Pariat u kular ban pynkhie im biang iaka konsil kumba ka long mynshwa bad un thaw iaki lad ki lynti kumno ban pynmih iaka khajna bad kiwei kiwei ki lad ban kyrshan iaka konsil.