Ba iehshrah iaka surok bypass Myntdu-Lad Nartiang, kyntu ka HANM iaka PWD ban maramot

Syllad | The Rising MeghalayaOctober 31, 2024

Hadien bun bun snem bala iehshrah iaka surok Jowai Intermediary Road (Myntdu sha Lad Nartiang ne ka bypass iaka sor Jowai, ka HANM kala kyntu iaka PWD ban shna noh ia kane ka surok ban pynjem iaka jingdheng kali ha Jowai.

Ia ka dorkhas ka HANM kala aiti sha u Executive Engineer PWD (Rds) South Jowai Division haka 31 tarik Risaw ban kyntu ban maramot ia kane ka surok kaba la iehshrah la bun snem ban weng iaka jingdheng kali ha Jowai.

Ka HANM kala ong ba lada ka PWD ka maramot ia kane ka surok kan pynsuk ia kiba bun kiba ym donkam ban rung sha Iawmusiang, Jowai namar ba kane ka surok ka pyniasoh iaka Ladthadlaboh bad Mihmyntdu lyngba ka Lad Nartiang.

Na kaliang u engineer ka PWD u la kular ban shimkhia bad shen yn shna ia kane ka surok, ong ka HANM ha u kyrwoh.