Ba iehshrah ka sorkar ïaka surok na Samasi sha Saipung, dawa shna ka synjuk waheh shnong

Syllad | The Rising MeghalayaMarch 11, 2020

Da ka jingsngewkhia iaka jingud jingnam ki paidbah halor ka jinsniew palat liamg ka surok ha ka thain Sumer naduh na Samasi haduh Saipung kaba hap hapoh ka Saipung Block C&RD Block, ka Synjuk ki Waheh Shnong Ri Jaintia (SWSRJ) haka sngi Ar ka la hiar jurip ia kane ka surok bad lap ba kane ka surok kala jot rathai bad kylla long tang kum ka surok khyndew.

Ha kane ka jinghiar jurip la lamkhmat da u President ka synjuk u Army Lypon ha ryngkat ka jingsynran lang u Bishar Shylla General Secretary bad ki dkhot ka synjuk na Sumer bad Saipung Block

Ka surok naduh na Samasi, Khahnar, Pala Kseh Umkyrong ka long ka surok kaba khoh khruh khoh khram bad kaba la shah ieh khunswet haka sorkar mynta la palat 50 snem eiei, ong u Army Lypon.

Ka synjuk hadien ka jingjurip ka la pynpaw ka jingsngewdiaw namar ba ki paidbah jong bun tylli ki shnong ki hap ban iaid man la ka sngi haka surok kaba khohruh khohram wat ha kane ka juk thymmai bad juk stad, kaba bun ki shnong kila ioh iaki surok kiba paka.

Kane ka surok kadei u budlum jong bun tylli ki shnong haka thain Sumer, East Jaintia Hills, hynrei ka sniew shaba palat bad na kaliang ka synjuk ka dawa na ka sorkar bad ka tnad kaba dei peit, ka PWD ban shna noh ïa kane ka surok ban myntoi u paidbah. .

Ka jingsniew palat jong ka surok ka ktah bha ia ka jinglut jingsep ki paidbah ban iaid da ki kali motor bad ki don ki khep ba poi sha ki jingjia ba sngewsih khamtam haka shitom shipa namar ban ïaid ïa kane ka surok hap ban ïaid bun bun kynta.

Ka synjuk ka buh ka jingkyrpad iaka sorkar Jylla bad tnad PWD ban pynshna noh mar mar ia kane ka surok shwa ba kan kylla surok khlaw ne duh noh syndon bad ha kajuh ka por ka Synjuk ka la khot bad wer ia baroh ki sengbhalang ki riew shimet ki nongmih khmat paidbah ban phai khmat ban shna ïa kane ka surok.