Ba kiar ia ka kali rit kylla khongpong ka trok kit rnga dewiong ha surok bah Nongpoh

Syllad | The Rising MeghalayaJune 6, 2024

Kawei ka trok kit coke ne u dewiong uba la dep sain rnga ka la kylla khongpong ha ka surok bah ha Nongpoh, Ri Bhoi District bad pynsaphriang lut sha ka kawei pat ka bynta jong ka surok bah haduh ba ki pulit ki hap ban pyndonkam da ka surok service lane ban pyniaid ia ki kali kiba kiew sha ki bynta ka Nongbah Shillong.

Katkum ka khubor la ong ba kane ka trok kaba don ia u Registration Number NL 01 AD 4856 kaba dang wan na Shillong ban leit sha Guwahati na ka bynta ban pynhap ia u Coke mar ia poi ha ki bynta khongkong marpyrshah ka ophis u Depuputy Commisioner, Ribhoi kawei ka kali rit ka la jam lyngba na kawei ka surok sha kawei pat khlem da ai signal.

La ong ba ha kaba kum kane ka por u nongniah jong katei ka trok u la pyrshang katba lah ban kynriah na katei ka kali rit hynrei kaba la pynlong pynban ba kan kylla khongpoing ha katei ka jaka haduh ba u Coke uba ka pynkit ki la saphriang lut ha kawei pat ka bynta jong ka suroh bah.

Kane ka jingjia la ong ba ka la jia ha ka por kumba 1 baje Nohphai sngi ei ei hynrei kam shym la don pat kano kano ka jingmynsaw kaba jur.

Na ka liang ki bor pulit ka Nongpoh lem bad ki nongtrei jong ka National Highway Authority of India NHAI mar mar ki la wan poi ha kane ka jaka bad na ka liang ki pulit ki la tan noh ia katei ka trok bad ka jingtohkit halor kane ka jingjia kala iaid shakhmat.