Ba shitom ka PHC Lumshnong ujor ka KSU sha u Myntri

Syllad | The Rising MeghalayaSeptember 26, 2019

SHILLONG: Ka KSU Lumshnong Unit kala ujor sha u Myntri Koit ka Khiah Bah AL Hek ba shitom doctor, nurse nongtrei ha PHC Lumshnong.

Ki nongialam ka KSU haka sngi Palei kila leit ban ïa kynduh ia u Myntri ka tnatd Koit ka Khiah Bah AL Hek bad ai ha u ïaka dorkhat ban dawa pynbiang ïaki jingdonkam ka PHC Lumshnong.

Kine ki nongialam ka KSU naduh u T Hame Gympad president, S. Bamon secretary, D.Pynkhlong education secretary, S. Pynkhlong bad R. Najiar bad kiwei kiwei ki dkhot KSU CEC Shillong badei peit ïaka Jaiñtia Hills District kila ioh ban pynsngew ha u myntri ïaki jingduna jong ka PHC Lumshnong ba kynthup ïaki doctor,ki staff nurses, ki UDA/LDA, chowkidars, ambulance, ka light u surok, bad ki tiar ba donkam kum x- ray machine, ILR, ki staff quarter bad kiwei kiwei.

Kila ïathuh ba kane ka PHC kala shakri ïa u paidbah jong ki 22 tylli ki shnong wat hadpeng ki jingeh.

Ha kane ka jingiakynduh ia u myntri ka koit ka khiah, ka KSU kala pynpaw iaka sngewnguh ia u myntri ba ula shimkhia ban phone mar mar sha ki ophisar ka tnad ka koit ka khiah ban pynbiang ïaki jongdonkam ka PHC Lumshnong. Ula kyntu ba kin iashah lem namar mynta hi ka jylla ka dang duna palat ki doctor bad u la kular ban bud dien iaki jingdonkam ka PHC ba kan lah ban shakri khambha iaki paid nongshong shnong ka thain.

Ka KSU ka pynpaw iaka jingsngew nguh iaki nongtrei jong kane ka PHC naduh u Dr. L Marbaniang bad ki nongtrei kiba hapoh jong u kiba la shakri ia u paidbah wat hapdeng ki jingduna ba bun.