Ba sma ki ñiut ha Jowai, pynkynriah ka JTES iaka surok mareh marathon

Syllad | The Rising MeghalayaApril 21, 2022

Ka Jaintia Tourism and Environment Society (JTES) kaba la khot pynlong iaka jingmareh marathon haka 23 tarik Ïaiong Iaiong (April) 2022 kala pynkylla iaka lynti phet marathon namar ka jingsma iwtung ki ñiut ha Iawmusiang, Jowai.

U Ma Philemon Lyngdoh president JTES, ula ong ba namar ka jingpynthud ki ñiut kiba don ha Iawmusiang, Jowai kaba la wanrah iaka jingsma iwtung bad kaba ym shngain iaki nongmareh ban ring pynhiar mynsiem kila rai ban pynkylla iaka lynti phet marathon. Ula ong ba ka surok phet marathon kam dei shu na Iawmusiang, hynrei na by pass Riastasim, Mynthong sha Jrisalein, Chutwakhu, Jowai.

Kane ka Marathon kan sdang na Thadlaskein. Ka por bala buh ban sdang ïaka jingmareh la pynkylla na ka 8 baje hynrei 7.00 baje mynstep bad baroh kiba ïashim bynta la kyntu ban ai report 6 baje ha lad Thadlaskein.

Pule | Thet kti ka Sorkar Jylla ïaki ñiut ka Jowai, kynthup ka Meghalaya High Court iaka KSU Waheh Shnong Mupyut bad ki 6 shnong haka mukotduma

Ki nongiashim bynta baroh ki dei ban wan da ka T-shirt ba la ai sha ki bad ka patlun lyngkot ne short pan.

Ïaki khusnam yn sam ha kajuh ka sngi haka jaka pynkut iaka marathon ha madan Jrisalein.