Ba thut ka network Jio khang ka JSU iaka jaka treikam ha Shangpung

Syllad | The Rising MeghalayaDecember 3, 2021

Ka Jaintia Students’ Union (JSU) haka sngi Thohdieng kala khang haka jaka treikam ka Jio company kaba don ha Shangpung Moolibang hadien ba la thut ka signal palat 13 sngi ha katei ka thain.

Ka JSU kala ong ba naduh 20 tarik Naiwieng haduh mynta ka sngi ka jingai jingshakri ka Jio kala phiel namar ba kam don network bad kane kala pynbitar iaka JSU bad kala khang syndon iaka ophis treikam jong ka tad haduh ba kan da lah ban pynbiang iaka network ha baroh kawei ka thain.

Ka JSU kala ong ba kala ioh shibun ki jingujor kynthup na ki kmie ki kpa ki khynnah skul halor ka jingduh ka netwrok Jio. Kiba bun ki khynnah kila duh jingmyntoi naba ki hap ban pep ban shong klas online bad ban ialeh eksamin, kaba la ktah iaka pule ka puthi jong ki.

Ka JSU kala maham ruh ia kiwei pat ki company mobile network ba kynthup iaka Vodafone, Airtel bad BSNL ba ki dei ban pynbiang iaka jingshakri jong kida kaba pynthikna ba kin pynbiang iaka network ha katei ka thain.