Ba tlot ki MDC ka JHADC, ap ka jingma ia ka jaidbynriew: Lawyerson

Syllad | The Rising MeghalayaMay 18, 2020

Ka Jaintia students Union (JSU) central body kala khyrwit tyngeh iaka EC kaba ialam da u Thombor Shiwat kum CEM namar ka jingtlot bad ka jingbymnang ban pyntrei kam ia la ka bor bad Ka iktiar ba la pynkup ha ki kum ki nongmihkhmat pastbah.

Ka JSU Ka la kynthoh jur bad pynrem jur ia kane ka EC kaba mynta, namar kat kum ka jing kren jong u CEM lymba ki lad pathai khubor haka 1 tarik une u bnai, ka pyni shai ba kane ka EC kam don bor eiei. Ka hap beit ban pan bor bad ioh jingbit na ka sorkar jylla ha shwa ba kan leh ia kano kano ka kam, imat ka ne ka EC kaba mynta ki pynlong iaka JHADC tang kum kawei na ka department jong Ka sorkar jylla bad kam tip bad sngew thuh shuh tang iaka kyntien autonomous ruh.

Ka JSU ka ong ba ka Ri bad ka jaidbynriew kadon hapdeng Ka jingma kaba khraw, bad ka JSU ka buh jingkylli ruh iaki MDC, khamtam ia kane ka EC ka ba mynta kumne harum.

Hato ki MDC bad ki EM ka JHADC kidei ki nongtrei jongka sorkar jylla? lane ki don ruh la ka jong ka bor?

Hato ka shonghok mo ba ki MDC ka JHADC kin long beit tang ki niang kohnguh ha khmat ki MLA/Ministers /lane sorkar jylla.

Ka jingduh tulop ki nongtrei ka JHADC haduh 7 bnai, hato yn kynnoh iano, iaki MLA/Sorkar jylla/MDC?

Hato ka JHADC ka leh aiu halor ka khyndew ka shyiap, ka Dustur ka Riti jongngi kum ka jait bynriew?

Ka JHADC ka tip ne em iala u jong u pud u sam?

Ka JHADC ka leh aiu halor ka khaii ka pateng hala ka ri lajong.

Ka JSU kala kynnoh ruh ba ki MDC ka JHADC ki treikam tang naka bynta ka jingsyaid ka shuki lajong khlem da pyrkhat shuh iaka tulop ki nongtrei ka Council bad khlem da pyrkhat shuh ia ki lad ki lynti ban iada iaka Ri bad ka jaidbynriew da ki kyndon bad ki ain kiba skhem.

Ka JSU ka kdew ia ki bun bynta ki lad ban lum pisa kum ha ki tnad ba dei peit ia ki khlaw (the management and control of forests), ka jingkhaii da ki bar jylla (Trading by non-tribal), ki Transit fees, ki bai Registrations, ka jingshimwai ia ki jaka ka District Council (Lease of District Council Properties) bad kiwei pat ki jinglum khajna (Taxes). Balei ba un duna ka Konsil Fund?

Ka jingduna ka jingioh pisa lyngba ki royalties, ka jingdie ia ki mar, ki license, ki bai pyntrei (fees) bad ruh na ki jingdain kuna(fines or penalties), namar ba ki MDC JHADC kim shim la don satia ka jingnang ban wad lad ia ki rukom ban wanrah pisa ban pyndonkam ia ki jingdon ka konsil khnang ban pynmih pisa bad kumta ka wanrah ia ka jingma ia ka konsil.

Ka Jaintia students Union ka dawa na ka ne ka EC kaba mynta bad na u CEM ba kin pynshai bad jubab iaki tei ki ki mat sha ki paitbah jong ka Rilum Jaintia khnang ba ki paitbah kin sngew thuh.

Lawyerson War
President Jaintia Student Union