Ba torti ka jingshna surok na Tamabil sha Amsku ujor ka HYC

Syllad | The Rising MeghalayaSeptember 25, 2020

Ka Hynniewtrep Youths’ Council (HYC) War Jaintia Circle hynnin ka sngi 24-Sept-2020, hapoh ka jingialam u General Secretary u samla Tohmondiam Mukhim ryngkat bad u Assistant Secretary u samla Ededisuk Shylla kila leit ujor sha u Sub-Divisional Officer PWD, Amlarem, halor ka jingjulor bad jingbym biang ka rurom shna ne trei ia ka surok na Tamabil shaduh Amsku ba dang dep shna ha u snem 2019. 

Ka HYC kala ong ba kane ka jingsiang ia kane ka surok ka dei kaba la bei pisa daka MORT&H, Central Fund (CRF) hapoh ka Project Improvement Including Metalling & Black Topping Of Dawki-Muktapur Road (L=10Km) under CRF for the year 2018-2019 in the state of Meghalaya (JOB NO. CRF/MG/2018-19/062) bad ka hap hapoh ka jingpeit u SDO PWD, Amlarem, hynrei kaei kaba la pynkyndit iaki paidbah ka thain ka long mar ia dep shna ia ka tei ka surok bad hadien tang katto katne por ka surok kala sdang julor noh.

U General Secretary, u samla Tohmondiam Mukhim u la kyntu jur iaki bor ba dei peit baki dei ban khmih bniah iaka rukom trei ia katei u surok, khnang baki paidbah nongleit nongwan bad ki nongshong shnong ka thain kin suk haka leit ka wan. U la ong ruh, ka Seng kan bud dien khmabniah iakane ka kam. Ka HYC ka pynrem halor ka jingtrei torti ia katei ka surok bad haka juh ka por ka seng ka kyntu bad ka maham ia ki contractor bad ka ophis ban shna bha ia katei ka surok ban myntoi u paidbah.