Ba ud ki nongleit nongwan, rai ki ar seng ban pynhiar ia ka dor bai kali Jowai Shillong

Syllad | The Rising MeghalayaNovember 29, 2023

Hadien ba la iohsngew bad ioh pdiang ia ka jingud jingnam jong ki paidbah nongleit nongwan ha kaba iadei bad ka jingkiew palat ka dor bai kali na Jowai sha Shillong bad Shillong- Jowai, kumta na ka liang ki artylli ki seng, kata ka JSGTCA, Jowai bad ka ITD&OA Shillong hapoh ka jingialam ki president, kata u Bah A Pohshna bad U Bah D Kharkongor ki la pynpaw ba ki la shim ia ka rai ban pynhiar noh ia ka dor bai kali na ka T. 250/- marwei sha ka T. 200/- marwei.

Kine ki ar seng ki la pynskhem ruh ba kane ka rai kan kan sdang ban treikam noh naduh ka 1 tarik Nohprah 2023 (Sngi Thohdieng) tad haduh ban da pynbna da kumwei pat.

Kumta na ka liang kine ki ar seng lyngba une u kyrwoh ki kyntu jur ia ki trai bad nongniah kali kiba don hapoh ka lama jong kine ki artylli ki seng ba kin bud beit ryntih ia kane ka jingia pynbeit hapdeng jong kine ki ar seng na ka bynta ka jingiabit iabiang lang jong baroh.