Bala mad ïaka jingeh halade synñiang u Marshall Biam da ka Ambulance ïaka thain Bataw Lakadong

Syllad | The Rising MeghalayaFebruary 17, 2020

KHLIEHRIAT: U Marshall Biam uwei na kiba don bynta ha ka ban trei na ka bynta ka bha ka miat ka imlang sahlang bad uba la aireng teng haka elekshon MDC JHADC naka Bataw Lakdong ula synniang da ka kali kit nongpang (ambulance) sha ka thain Bataw Lakadong.

Ïa kane ka kali kit nongpang la pyllait paidbah haka sngi Saitjaiñ ha Ladrymbai Dongwah haka jingïalang kaba pyniaid da u Hillson Amrasong haka jingiadonlang u MDC ka Rymbai Khliehriat u Ma Finely Bareh, Tbn. Hunmon Rymbai uba la duwai pynkyntang iaka kali, ki nongialam shnong bapher bapher ha ryngkat ka jingïadonlang ki nongialam shnong ka Ladrymbai Dong Wah.

Baroh ki nongkren kila ai ka jingiaroh ïa une u samla rangbah uba la synñiang da kane ka kali ban ïarap ïa ki para briew haka shitom shipa.

“Nga la mad ka jingeh halade bad kane kala nang iai kysoi hapoh ka dohnud jong nga ban nang ioh mynsiem bad nga la rai ban synñiang da kane ka kali sha ka thaiñ Bataw Lakadong baroh kawei,” la ong u Marshall Biam bad bynrap ba bunsien haba ngi kit ïaki nongpang ha ka kali shimet ym ïoh ban ïaid suk namar ba ka dang dei hi ka kali paidbah, hynrei da ka kali kit nongpang ka suk ban pynpoi ïa u/ka nongpang sha ka jaka sumar ban ïoh ka jingsumar haka por kaba biang.

Kane ka kali kan nym shakri tang ïaka Bataw Lakadong, hynrei ia kiwei kiwei kiba donkam kyrkieh bad lah ban phone ha kano kano ka por ha u number uba la thoh ha kali.