Bam duh ka ding iaka ïing ha Tuber Kmaishnong, kner kti jingiarap ka Dorbar Shnong bad ka KSU

Syllad | The Rising MeghalayaFebruary 26, 2024

Kawei ka iing kala shah bam shngiam haka ding haduh ban da kylla dpei haka shnong Tuber Kmaishnong haka step 25 tarik Rymphang haka por kuma 2 baje mynstep.

Kane ka ïing ka dei jong ka kong Ribiang Phawa.

Kane ka iing kala julor phom bad ha kane ka jingjia kam don kano kano ka jingjia kaba sngewsih.

Ka dorbar shnong Tuber Kmaishnong haka jingialam u Waheh Shnong ma Miky Lyngdoh, General Secretary bad ki dkhot shnong kila synniang 30 hajar sha kane ka longïing.

Shuh shuh na kaliang ka KSU, East Jaintia Hills District ruh kala kner iaka kti jingiarap jong ka sha kane ka longïing kaba la ngat ha kane ka jingjia kaba sngewsih. La ialam da u president KSU EJHD Unit u Streamly Nongjop Suchen, ha ryngkat ka jingiasynranlang  u finance secretary u Shaniahskhem S Dkhar, Asst Finance Secy u Cherity D Suja, u Sport Secretary Shwari Ryngkhlem  bad kiwei kiwei

Ka KSU ka kyntu ia ki riew paidbah lane ki riew shimet ba don ka mynsiem sngewlem ban mih sha khmat ban iarap ia ki lanot.