Bam duh ka ding iaka ïing mane Presbyterian ha Mupliang

Syllad | The Rising MeghalayaMay 22, 2024

Ka ding kaba kala klang jur kala bam shngiam iaka ïing mane jong ka Balang Presbyterian Mupliang haka step phyrngap jong ka 22 tarik Jymmang.

Ka khubor kaba iohlum kane ka jingjia kala jia haka por kumba 1:30-2 baje eiei mynstep. Ki thylliej ding kaba la klang jur bha tang hapoh khyndiat por kala bam lut ia kane ka iing mane.

Wat la wan ka kali pynlip ding, hynrei ka ding kaba la ioh ban bam na shapoh ka iing mane bad ka tnum kim lah shuh ban tem iaka ding.

Ha kane ka jingjia ym don satia mano mano ba mynsaw.

Haba iakren bad u Bah P Ryngkhlem dkhot committee balang ula iathuh kane ka jingpluh ding jong ka ïingmane ka lah ban dei na ka jingthut jong ka bor ding.

Ula pyntip ba kane ka iing mane dei kaba dang shu dep tei thymmai mynshem snem bad ka jinglut jingsep ka la kot shaka 1.5 klur tyngka. Ula iathuh ruh ba kane ka balang ka don haduh 800 ngut ki dkhot.