Bam sa ka sarang iaka kali 108 Ambulance ha War Jaintia

Syllad | The Rising MeghalayaJuly 5, 2022

Ki dak ki shin kum ba mih paw hi ka long ba ka sorkar khamtam ka tnad ka koit ka khiah kala pynsyrwa ei iaka pisa paidbah bad la sakhi ba kali kit nongpang ne ka 108 Ambulance ha Amlarem kala sdang sa ka bam sarang namar ba ym shym la pyndonkam satia iaka kali.

Ka Jaintia Students’ Union (JSU), War Jaintia Cirlce haka sngi Nyngkong kala lap ia kane hadien ba u paidbah ka thain War Jaintia kila ud kila nam ba ki shem jingeh ban ioh jingshakri ka 108 Ambulance ne ka GVK/EMRI namar ba kane ka kali la shu set khlem pyntreikam ha Jarain PHC.

Ka JSU kala pynkynmaw ba naduh u snem 2014 kala don kane ka kali kit nongpang ha War Jaintia, hynrei la weng biang iaka jingsharkri bad ha u snem 2018. Dei ha kine ki khyndiat bnai bala pynpoi biang ia kane ka kali kit nongpang, tangba kala theh umpjah pat iaka jingangnud u paidbah haba kane kala kali la shu set khlem ai jingshakri.

Ka JSU kala dawa na ka tnad ka koit ka khiah ban pynbiang iaki jingdonkam bad ki nongtrei khnang ba kane ka kali kan lah ban ai jingshakri.