Bam shngiam ka ding ïa ar tylli ki dukan ha Phramer

Syllad | The Rising MeghalayaApril 20, 2019

JOWAI: Ka ding kaba la klang jur bha hynnin ka miet kala bam duh ïaki ar tylli ki dukan ba kynthup ïaka dukan khaw bad dukan sha kaba don hajan ka bank SBI Branch Phramer , West Jaiñtia Hills District.

La iathuh ba ka jingkem ding kitei ki artylli ki dukan kala jia haka kynta load shedding ka MeECL bad la suba jur bala ieh klet ïa u mombati khlem pynlip ha kitei ki dukan kaba la wanrah ïaka jingkem ding.

Ka ding kala klang jur bha hadien ka jingbthei u tyndong shet jingshet bad kala bam shngiam ia kine ki ar tylli ki dukan ba dei trai ka kong Neymar Lyngdoh ba na Thadmuthlong. Ha kane ka jingjia ym don mano mano ba mynsaw bad ka jingjulor kala kot da ki lak tyngka.