Bam shngiam ka ding iaka ïing ha Tuber Kmaishnong

Syllad | The Rising MeghalayaApril 15, 2022

Ka ding kaba klang jur kynsan kynsan hynne ka step sngi Thohdieng kaba la bam shngiam iaka iing haka shnong Tuber Kmaishnong, East Jaintia Hills District.

Kane ka jingjia pluh ding kala jia haka por 3:30-4 baje mynstep haka por ba don u slap bad ka lyer u jur ha kane ka shnong. Ha kane ka jingjia kam don kano kano ka jingjia ba sngewsih.

Kane ka iing ka dei jong ka kong Duhka Dkhar ka iing kaba sah khynnah hadien ka jingkhlad noh ka kmie bad kane ka jingjia kala nang ktah shuh shuh ia kane longïin.

U waheh shnong Tuber Kmaishnong u ma Jiedlang Sana ula shimkhia ban pyntip sha ka Fire Service jong ka Ladrymbai, hynrei ka jingjur ka lyer ka nang pynjur iaka jingklang ka ding. Ki paidbah ruh kila mih ban pynioh iaka jingiarap hynrei kim lah leh eiei.

Ka bor shnong kan shong jingialang kyrkieh mynta ka sngi ban wad ki lad ki lynti ban pynioh jingiarap ba shipor ia kane ka iing, la ong Micky Lyngdoh general secretary Tuber Kmaishnong.