Bam smai u Bah Synshar kum u MLA thymmai ka Sohiong

Syllad | The Rising MeghalayaMay 16, 2023

U Bah Synshar Kupar Roy Lyngdoh Thabah haka sngi ba Ar u la bam smai kum u MLA ba thymmai ka Sohiong hadien ba ula jop ha kane ka elekshon kaba la pynbna ha ka 13 tarik mynta u bnai.

Ia u Bah Synshar la pynbam smai da u Deputy Speaker Timothy D Shira ha ka jingdonlang ki MLA ka UDP, u myntri sorkar u AT Mondal bad kiwei.

U Bah Synshar ka UDP u la pynliem ia u kyrtong ka NPP u Bah Samlin Malngiang da 3000 vote tam.

Haba kren hadien ba la dep bam smai, u Bah Synshar u la ong ba ka juk thymmai ka la sdang ha Sohiong na bynta ki kam pynroi, bad u la iai ban, ba un buddien ia ki kam ba sahteng jong u kni jong u, uba la khlad noh, u Bah HDR Lyngdoh. “U MLA ba thymmai ka Sohiong, u sdang ia ki kam pynroi ba thymmai, ki jingmut ba thymmai, bsuh ka jabieng ba thymmai ha ïing dorbar”, la ong u bah Synshar.