Bam smai u president NPP, WJH kum u MDC shu sieh ka JHADC
JOWAI: U Ma Octomewot Lamin, District President jong ka National People Party (NPP), West Jaiñtia Hills District ula bam smai mynta ka sngi kum u MDC shu sieh jong ka JHADC.
La pynbam smai ia u da Chairman jong ka JHADC u Ma Lakhon Biam ha ka jingiadonlang u MLA ka Jowai u Ma Wailadmiki Shylla, u CEM ka JHADC u Bah Thombor Shiwat, ki MDC ka liang pyrshah naka Congress bad ki MDC ka NPP, UDP nalor kiba haiing hasem jong u Bah Lamin.
![](https://www.syllad.com/wp-content/uploads/2024/09/JIT-Vacancy-823x1024.avif)
U Ma Octonmewot Lamin haba iakren bad ki nongthoh kotkhubor hadien ka jingbam smai ula iathuh ba ka thong kaba hakhmat eh ka long ban pynkhlain bad pynskhem shuh shuh iaki aiñ bad ki rukom treikam jong ka District konsil.
Ula ong don shibun ki mat jong ka konsil kiba hap ban iakren hynrei kaba kham donkam eh ban iakren mynta ka long kumno ban kyntiew iaka iarong pisa jong ka konsil.
“Ha ki snem ba la leit ka JHADC kadei kawei kaba wan bha shakhmat ha ka liang ka jingioh lum pisa hynrei naduh ba khang ia u dewiong ka JHADC ha don hapdeng ka jingtyrkhong pisa”, ong u Ma Lamin.
Ula ong ba ulong uba kloi ban ai jingmut iaka konsil ba kan shim noh da kiwei ki lad ki lynti bathymmai ban pynmih pisa iaka konsil khlem da shaniah shuh tang na u dewiong.
U Ma Octomewot Lamin udei uba shong basah ha Mihmyntdu ula pyndep iaka jingpule ha ka Diploma Automobile. Ula bat iaka kam District President jong ka NPP mynta la 7 snem kynthih.
Leave a Reply