Ban iakhun iaka khlam COVID-19 sdang ka Rural Bank ban ai jingshakri ha ïing

Syllad | The Rising MeghalayaMay 12, 2020

Kum shibynta ban snohktilang bad ka sorkar haka jingiakhun pyrshah ban tem ïaka khlam Coronavirus ne u COVID-19, ka Meghalaya Rural Bank (MRB) kala shim ïaka sienjam ban ai ka jingshakri iaki paidbah da kaba leit ha manla ki thliew ïing kaba la tip kum ka ‘Doors step Banking’.

Ia kane ka jngshakri jong ka Bank la sdang ha Laskein Block, ha kaba ka Meghalaya Rural Bank, Shangpung Branch ha ryngkat ka jingiatrelang ka Meghalaya State Rural Livelihood Society (MSRLS) Block Mission Management Unit Laskein Block kala sdang ia kane ka kam naduh ka sngi Nyngkong.

Shuwa ban sdang ia kane ka jingshakri la don ka jingialang kaba lyngkot haka Shnong Mynska ban pynshai ïa ki paidbah halor ka jingthmu jong ka bank.

Ka Branch Manager MRB Shangpung Branch ka Kong N Lyngdoh haka jingkren ka la ïathuh ba ïa kane ka Door Step Banking la leh shi bynta ban iakhun iaka khlam COVID-19 ban lait n aka jinglum paidbah ha bank ne ban bud ryntih iaka jngbthah ka sorkar lyngba ka tnad ka koit ka khiah, kata ban pyntreikam iaka Social Distancing.

Kane ka jingskari kan pynsuk ïaki paidbah ba haka jaka ba kin wan sha bank haduh Shangpung, ki nongtrei jong ka bank da lade kan leit sha manla ki shnong da ka jingïatreilang jong ki Dorbar Shnong na ka bynta ban plie lad iaki paidbah ban kynshew iaka pisa, ban plie account thymmai nadlong kiwei kiwei ki kam bad iadei bad ka bank.

“Ki nongshong shnong ki dei ban shim ia kane ka kabu da kaba plie ïaki Account khnang ba kin lah ban kynshew pisa,” ong ka kong Lyngdoh bad ïathuh ruh ïaki jingmyntoi ba ïoh lyngba ka bank kynthup ka Insurance Scheme, ka PMSBY kaba hap ban siew tang 12 tyngka haka shisnem, PMJJBY kaba hap ban siew T. 330/- haka shi snem bad ia kane lah ban leh da ka jingiarap jong ki Bank Sakhi lane ki Financial Literacy Cretre lyngba ki VO. 

Ka khot ka wer iaki SHGs bad ki nongseng kam lajong ban shim kabu na ki bank ban ioh ki lad jingiarap ba har rukom, kata naduh ban pynheh ïaki kam ki jam jong ki, ka bank ka kloi ruh ban ïarap ia ki paidbah ban don ka jingiajan hadpeng ki bank bad u paidbah.

Ia kane ka ‘Doors step Banking’ la sdang hapoh jingpeit jong ka Meghalaya State Rural Livelihood Society (MSRLS) Block Mission Management Unit Laskein Block kaba peit kyrpang iaki Self Help Group (SHG) bad ka jingkyrshan jong ki Bank Sakhi na ki Artylli ki Village Organization ba kynthup iaka Iasnohktilang VO Khliehrangnah bad ka Bersaman VO Shangpung Pohshnong.

Ha kane ka jingialang la iadonlang u Waheh Shnong ka Mynska u Ma Suklang Lapasam bad la ioh ki jingkren na u Ma R Shadap, District Mission Manager MSRLS, West Jaintia Hills District, u Firmlystand Khonglah Cluster Coordinator, u Bah B.Syiemlieh I/c Block Project Manager Laskein BMMU bad kiwei kiwei.

Ha kaba iadei bad kane ka ‘Doors step Banking’ na kaliang ka bor synshar district jong ka West Jaintia Hills ruh ruh kala ai pynshlur n aka bynta ban ioh iarap iaki paidbah nongshong shnong ka district khamtam ha ki jaka nongkyndong kiba jngai ka bank.

Ki Bank Sakhi ruh kila leit ha manla ki shnong ban iarap iaki paidbah pyndap slip iaki paidbah kiba donkam ban sei pisa bad thep pisa bad ban plie iaki account haka bank.