Ban ithuh ithaw hadpeng ki para kur, thaw ka Kur Dkhar iaka Madur Unit

Syllad | The Rising MeghalayaFebruary 13, 2022

Shi bynta ban thuh ithaw para kur para jait bad ban ïakit ïabah para kur para jait ha kino kino ki jait kam, ka Sein Kur Dkhar ka la thaw ïaka tnad treikam jong ka kur kaba tip kum ka Madur Unit haka jingïalang kaba la long haka shnong Madur haka sngi Saitjaiñ.

Ïaka jingïalang la pynïaid da u Emerich Dkhar bad la ïoh ka jingkren jingpdiang na u Phlin Dkhar bad ki jingkren sneng jingkyntu na u Jesse Dkhar president seiñ kur Khliehtyrshi Circle, Kyrshan Dkhar Secretary seiñ kur Dkhar Wapung Circle, u Shaniahskhem Dkhar vice president seiñ kur Dkhar East Jaintia Hills bad na u Hamjhan Dkhar General Secretary seiñ kur Central Body.

Baroh ki nongkren ki la kyntu ïaki para kur ban long kiba ïatylli ha kino kino ki jingeh jingshitom, ban don ka jingïadei jingmut bad ban kiar na ka jingsngewïapher niam para kur khnang ba ka kur kan roi bad kiew shaphrang.

Ïaki nongkitkam jong ka Seiñ kur Dkhar Madur Unit la pynskhem da u Vice president seiñ kur Central body u Harvis C. Dkhar katba u Medistar Dkhar ula aiti ïaka riti synshar, lama, seal bad ka register sha u president ka Madur Unit u Phlin Dkhar.

Ki nongkitkam jong ka seiñ kur Dkhar Madur unit ki long u Phlin Dkhar president, Boi Dkhar vice president, Mardeiwi Dkhar General secretary, Truki Dkhar Assistant general secretary, Klo Dkhar Treasurer bad khyndai ngut ki dkhot kynthup ka Nomi, u Trei Dkhar, ka Mery Dkhar, ka Dit Dkhar, ka So Dkhar, u Dawan Dkhar, u Suk Dkhar, u Bor Dkhar bad ka Phrom Dkhar.