Ban khring iaki nongthep vote thymmai pynlong cycle rally ha Jowai

Syllad | The Rising MeghalayaJanuary 25, 2024

Kum shibynta ka jingrakhe iaka 14th National Voters Day, ka ophis u District Election Officer, West Jaintia Hills ka la pynlong da ka Cycle Rally haka 25 tarik Kyllalyngkot.

Kane ka jingiakop Cycle Rally ka dei shibynta ban khring iaki nongthep vote thymmai ban pynkhlain iaka jingiashimbynta ki samla haka kam election ha kane ka ri synshar paidbah.

Kane ka cycle sdang na madan Kiang Nangbah Stadium bad la kaweh lama iaka da u Ma Chemphang Syrti, Superintendent of Police, Wet Jaintia Hills District haka jingdonlang u District Sports Officer West Jaintia u Ma Khroobok Passah bad u Bah W. Kharbuli, MCS, Assistant Commissioner, West Jaintia Hills.

Ha kane ka Cycle Rally la shim bynta da ki dkhot ka West Jaintia Adventure and Cycling Association, Jowai da kaba sdang na Kiang Nangbah Stadium bad ïaid lyngba ka Ladthadlaboh Main Road, Iawmusiang, Mynthong, Chutwakhu, Khim-U-Sniang, Umchangiar, Chilliangraij, Loomkyrwiang, Īongpiah, Panaliar, Dulong, Tpep-Pale bad pynkut ha phyllaw ka ophis u Deputy Commissioner, West Jaintia Hills.