Ban kyrshan iaki nongseng kam dawa ka ABVP ban pynbha iaka college ha Wahiajer

Syllad | The Rising MeghalayaJune 28, 2020

Ka Akhil Bharatiya Vidyarthi Parishad (ABVP), Jowai Unit haka 26 tarik kala leit ai da ka dorkhat ha u Deputy Commissioner, West Jaintia Hills ban dawa na u ban pynbun ïaki lad jinghikai ban kyrshan iaki samla kiba pule ha Deen Dayal Upadhyaya Community College, ha Wahiajer.

Ka Deen Dayal Upadhyaya Community College, ha Wahiajer kaba hap hapoh ka jingkhmih ka NEHU ka dei kaba sam jingnang jingstad haka kyrdan Skill Development bad Bachelor Vocation (B.Voc), hynrei kane ka college naduh ba la sdang ïaka ha u snem 2017 ka dang neh kumjuh khlem kino kino ki course kiba thymmai, ong ka ABVP, Jowai

Ka ABVP west jaintia unit ka pynpaw ba ka lad ioh kam ioh jam ia ki khynnah jong ka thain ka long kaba duna bha ha Jaintia Hills. Kumta ka por kala dei eh ban pynbha bad pynbun shuh shuh ia ki jait jinghikai ha kane ka college kata ban plie ruh ia ki jinghikai ba kynthup iaki electrician, stenographer, food processing, health care professional bad kiwei kiwei ban iarap bad plie lad ruh haka seng kam lajong.

Shuh shuh ka ABVP Jowai unit ka pynpaw ba ka jaka sah (hostel) ka dei ka ba donkam eh ha na ka bynta ki khynnah pule.

Ka kyrpad ruh ia ki bor ba dei peit ba kin pynbiang iaki academic building, hostel na ka bynta ki khynnah shynrang bad kynthei, ki guest house kumjuh ruh ki nonghikai kiba tbit ba kan pynmyntoi shisha ia ki ba wan pule bad shah hikai bad khnang ba ki ioh ia kine ki training kiba paka khnang ban ynda kila dep ban pule kin long shisha kita ki entrepreneur ne kita ki nongseng kam lajong ban pynmyntoi iaka imlang ka shalang bad ialade shimet.