Ban pynduna iaka jinglut rai ka JHADC ban kynthup lang hajuh iaka Fishery Agri bad ka tnad Market

Syllad | The Rising MeghalayaMarch 9, 2023

Ka Executive Committee kaba ialam u ma Thombor Shiwat kum u Chief Executive Member (CEM) JHADC ban pynduna iaka jinglut jingsep ka konsil kala rai ban kynthup lang iaka tnad Fishery and Agriculture Department bad ka tnad Market.

Ia kane ula ong haba wanrah iaka mang tyngka jong u snem 2023-24 haka sngi Palei, kaba duna haduh 30 klur na ka mang ban ioh lum pisa ne Estimates Receipt kaba T. 174,59,38,400/- (Shispah Hynniew Phew Saw Klur San Phew Khyndai Lakhlai Phew Phra Hajar Saw Spah. Ka mang ban pynlut ne ka Estimate Expenditures pat kalong Ar Spah San Klur Khat Khyndai Lakh San Phew Ar Hajar San Spah.

U Ma Thombor ula ong “Ban pynduna iaka jinglut bad ban pynduna iaki nongtrei, ka Executive Committee kala rai ban pynduh noh iaka Grant No. 18 – Fishery and Agriculture Department bad baroh ki kam ki jam jong kane ka tnad kin hap noh hapoh ka Grant No. 11,kata ka Market Department.”

Pynban ban pyniaid shakhmat iaki kam ka konsil ka Executive Committee kala mang pat ban thung 2 tylli ki post Data Entry Operator haka tnad Finance Department, 2 post Data Entry Operator haka Judicial Department kawei ka post LDA ha Legislative Department. U CEM ula ong ba ia kine ki post ba thymmai yn thung da kaba kyntiew kyrdan, pynkynriah kam na ki nongtrei kiba la don lypa haka Council.