Ban pynmih pisa ha ki kam ialehkai, da ka fete yn pynlong ka Lion Sports and Youth Affairs

Syllad | The Rising MeghalayaNovember 20, 2023

Kum shibynta ban pynmih pisa na ka bynta ban kyntiew iaka kam ialehkai bad ban plie lad iaki khynnah bad ki samla ban ioh iashimbynta ha ki jingialehkai tournament bapher bapher, ka Lion Sports and Youth Affairs (LSAYA) kala shim iaka sienjam ban pynlong da ka fete u snem ban wan ha u bnai Kyllalyngkot (January) 2024 haka 18-19 tarik

Kane ka fete ka long ruh kum shi bynta bynta ban shna iaka gymnasium ka LSAYA.

Kane ka Fete kan long ha madan Biar Skur (Lion Mission Compound Dorbar shnong Jowai. Kin don shibun jait ki jingialehkai pynbyrngia, ki jingbam bad ki nongtem ba paw kynthup iaka Grassroots bad ka Snow White.

Haka sngi Nyngkong, u Ma Andrew Shullai local MDC ula pyllait paidbah ruh ia ki ticket Lucky Draw. Ki khusnam ka long T. 3 lakh baroh, kata kaba mar T. 1 lakh iaki nongjop.