Ban pynsaphriang iaka gospel sdang ka JSKJP Synod Mihngi iaka Youtube
Ka Music & Singing Committee Jingiaseng Samla KJP Synod Mihngi kala ioh sdang ia iaka Youtube channel ne ka khubor paidbah jong ka na ka bynta ban ioh pynsaphriang iaka gospel da ki sur jingrwai.
La plie paidbah ia kane ka chnnel kaba kyrteng JSKJP Synod Mihngi ha Synod Office, Jowai haka sngi ba Ar.
La plie ia kane ka youtube channel da Rev. A Sungoh Chairman Jingiaseng Samla KJP Synod Mihngi haka jingiadolang u T.Bn T.Gympad Secretary Jingiaseng Samla KJP Synod Mihngi, Rev. PL Pakma Executive Secretary Jingiaseng Samla KJP Synod Mihngi, Rev .T Dkhar Chairman Music & Singing Committee, Markos Ryngkhlem Secretary Music & Singing Committee lem bad ki dkhot jong ka Music & Singing Committee bad ruh ki nongrwai ka Standing Choir Jingiaseng Samla KJP Synod Mihngi.
La pyniaid ia ka prokram da u Rev T.Dkhar bad la ioh ia ka Jingpule sdang & duwai da u Luckystar Lapasam. La ioh ruh iaka jingkren lyngkot na u Rev. PL Pakma.
Ka jingthmu jong kane ka channel ka long ban pynsaphriang ia ka gospel lynba ki sur jingrwai, ban pynneh pynsah ia ki jingrwai jong ka Standing Choir bad ban pyni ia ki programme kiba kyrpang jong ka Jingiaseng Samla KJP Synod Mihngi.
Facebook
Instagram
Youtube
Twitter
Leave a Reply