Bat biang ka Sherwood ia ka kyrdan ba nyngkong ha ka SSLC, 2 ngut ha ka HSSLC
Ka Sherwood School, Tura, West Garo Hills ka la ioh ban bat biang ia ka kyrdan kaba nyngkong ha ka result Secondary School Leaving Certificate (SSLC) ba la pynbna da ka Meghalaya Board of School Education (MBoSE) hynne ka sngi Thohdieng.
Katba ha ka sien kaba nyngkong ka St Anthony’s Higher Secondary School bad ka St Edmund’s Higher Secondary School kila iasam lang ia ka kyrdan kaba nyngkong ha ka result jong ka Higher Secondary Leaving Certificate (Arts) ne Class XII Arts.
![](https://www.syllad.com/wp-content/uploads/2024/09/JIT-Vacancy-823x1024.avif)
U Anuj Chetry napoh Sherwood School, Tura ula ioh bat ia ka kyrdan kaba nyngkong eh ha ka SSLC da ka jingioh haduh 575 marks bad ioh distinction haduh ki 6 tylli ki sobjek kaba kynthup ia ka E,M,S&T,SSc,HPE,H.
Katba ia ka kyrdan kaba ar la ioh bat da ka Aleytheia Syiemlieh na St Margaret’s Higher Secondary School, Shillong kaba la ioh 574 marks, kata kaba duna tang 1 marks ban ioh ia k kyrdan ba nyngkong. Ka la ioh distinction haduh 6 sobjek kaba kynthup ia ka E,M,S&T,SSc,CSc,Kh.
Katba ka Congenial Kharsahnoh na ka skul Christian Academy, Shillong ka la wan ha ka kyrdan kaba lai bad ioh 571 marks. Ka la ioh distinction haduh 6 sobjek kaba kynthup ia ka E,M,S&T, SSc,HPE,Kh.
Ki la don haduh 54134 ngut ki khynnah kila iakhun ia ka eksam SSLC bad kiba pass ki long 30207 ngut, kata kaba kong tang 55.80%.
Kiwei kiwei pat ki skul kiba don ha ka thup Top 20 ki kynthup ruh ia ka St Xavier HSS, Tura, St.Thomas HSS, Mendipathar, Synod HSS, Shillong, All Saints, Shillong, ST Gabriel, Upper Shillong, Aeroville HSS, Tura, Shangpung HSS, Shangpung, Shillong Academy, Don Bosco HSS, Tura, St.John Bosco Boys, Sohra, Laban Bengalee Girls, Nongstoin Public Secondary School, St Anthony’s HSS, Shillong, Laitdom Presbyterian SS, Laitdom, Seng Khasi HSS, Shillong, Hills Crest SS, Shillong, St. Mary Mazzarello Girls, Jowai, Sunny Hill Adventist, Mylliem, Little Star SS, Baridua bad ka Christian Girls HSS, Tura.
Na ki District, ka West Jaintia Hills kala don bun eh kiba pass kaba la kot 78.34%, bud ka East Khasi Hills kaba kot 77.09%. Kaba duna eh kiba pass ka dei ka North Garo Hills kaba long tang 23.88%.
Katba ha ka Higher Secondary School Leaving Certificate (HSSLC) Arts u samla Menangmankhraw Kharkongor na St. Anthony’s Higher Secondary School, Shillong bad u Gaurav Bharali ka St. Edmund’s Higher Secondary School, Shillong ki la ioh bat ia ka kyrdan kaba nyngkong bad ioh mar 468 marks.
Katba ka Tanisha Das napoh Don Bosco College, Tura kaba la wan ha ka kyrdan kaba ar ka la ioh 451 marks bad u Salseng Marak na Don Bosco College, Tura uba wan ha ka kyrdan kaba lai u la ioh 450 marks.
Kila don 27374 ngut kiba la ialeh iaka eksam HSSLC bad kiba la pass ki long 21833 bad ka jing pass mynta ka kynti ka long 79.76%.
Na ki District, ka Eastern West Khasi Hills ka dei kaba don bun eh ki samla kiba pass kaba la kot ia ka 92.32%, bud sa ka East Khasi Hills kaba kot 89.96%. Katba kaba duna eh kiba pass ka dei ka South Garo Hills 56.30 %
Leave a Reply