Bat biang u Ebormi Lyngdoh iaka kam Waheh Chnong Lad Mukhla

Syllad | The Rising MeghalayaFebruary 20, 2021

U Waheh Chnong barim ka Ladmukhla u Ebormi Lyngdoh ula shah jied biang ban long kum u Waheh Chnong jong ka shnong Ladmukhla, West Jaintia Hills District.

Ïa kane la pynbna da u Dolloi ka Elaka Nangbah haka elekshon waheh chnong kaba la long haka sngi Thohdieng.

Ïaka jingthep vote la pynïaid katkum ka thup electoral roll ha kaba baroh ki nongshong shnong kiba la dap 18 snem kila ïashim bynta.

Ka jingthep vote ka la long kaba ïaid beit ïaid ryntih kaba la sdang naduh ka por 7:00 baje mynstep haduh 2:15 baje janmiet.

Ka Dorbar Shnong ka la ai khublei kyrpang ïa u Dolloi uba la shim khia ban pynïaid beit pynïaid ryntih ïaka Election bad ïaka tnad pulit.

Na ka liang u Waheh Shnong ula ai khublei ïa baroh ki nongshong Shnong kiba la ibit ibiang ba un bat biang ïaka ka Waheh Shnong na ka bynta ka samoi treikam kaba lai snem kynthih.