Bat ka EKH iaka kyrdan ba nyngkong haka Taekwondo haka Meghalaya Games, 13 ki takma khur ka West Jaintia Hills

Syllad | The Rising MeghalayaJanuary 20, 2024

Ka resol na ka jingialehkai Taekwondo ha ka lympung ialehkai jong ka Meghalaya Games kaba san, ka long ba ki khynnah ialehkai ka East Khasi Hills kila wan haka kyrdan kaba halor hadien ba kila khur 20 tylli ki takma, kynthup ia 11 tylli ki takma ksiar, 4 ki takma rupa bad 5 ki takma rnong.

Ka West Garo Hills bad ka Ri Bhoi kila wan haka kaba ar bad ba lai. Ka West Garo Hills kala khur 4 tylli ki takma ksiar, 3 ki takma rupa bad 8 ki takma rnong, ka Ri Bhoi kala khur 3 ki takma ksiar, 7 ki takma rupa bad 5 ki takma rnong.

Haba phai sha ka West Jaintia Hills ha kane ka lympung bah ka jylla kala wan haka kyrdan kaba saw hadien ba kala khur 13 tylli ki takma. Kine ki kynthup iaka 2 tylli ki takma ksiar, 4 ki takma rupa bad 7 ki takma rnong.