Bat kyrdan ba lai ka Myngken Christian HSS haka Indo-French Football Tournament

Syllad | The Rising MeghalayaMarch 30, 2025

Ka khubor ba sngewtynnad ka long ba ki khynnah skul ka Myngken Christian Higher Secondary School, ki la la ioh ba kin bat ia ka kyrdan kaba lai, ha ka jingleit ban mihkhmat ia la ka jong ka ri, sha ka lympung ialehkai ba la tip ia ka kum ka 2nd Edition of Indo-French Tournament kaba la long ha nongbah Paris, France, naduh ka 24 haduh ka 29 tarik mynta u bnai.

Ka lynti iaid ia ka kynhun ialehkai ka Myngken Christian HSS ha kane ka lympung ka long ba ka la sdang shwa daka jingjop pyrshah ia ka kynhun ialehkai jong ka Grigny FC kaba long da saw tylli ki kol, ha kaba u Alicestar Thangkhiew u la lam khmat ia ka kynhun ban thep ar kol bad ia ki kol kiba sah la thep ia ki da u Mebanlamlynti Masharing bad u Franky Dkhar.

Ia ka kyrdan kaba nyngkong bad kaba ar na kane ka lympung iakhun la bat ia ki da ka Versailles FC bad ka Sarcelles FC.

“Ka kynhun ka la lah ba kan ialehkai bha, kampher wat ha kaba ka la hap ruh ba kan iakhun bad aireng ba dki team kiba khlain, pynban wat hapdeng ka jingtynjuh borbah, ki khynnah ki la aiti shisha ialade met bad mynsiem, kaba la pynlong ia ki ban lah ban ioh bat ia ka kyrdan kaba lai” ka long bala phah da u coach jong kane ka kynhun u bah Bobby L Nongbet (AFC ‘A” Licence) ba dei u District Sports Officer ka Ri-Bhoi District.