Bate kam u CEM JHADC Ma Thombor Shiwat iaki EM; bat halade ïaka pla tyngka

Syllad | The Rising MeghalayaMarch 5, 2025

U Chief Executive Member ka Jaintia Hills Autonomous District Council (JHADC), Ma Thombor Shiwat, haka 5 tarik Lber ula bate kam iaki Executive Members jong ka Executive Committee kaba dang shu thaw, kaba ïalam da ka National People’s Party (NPP) ryngkat ka jingiatreilang ka United Democratic Party (UDP).

Katkum ka jingpynbna, kaba la pynmih katkum ka Rule 31, (1) bad (2) jong ka Assam and Meghalaya Autonomous District (Constitution of District Councils) Rules, 1951, ka kdew shai ba u Deputy Chief Executive Member bad ki Executive Members ki dei ban ïasyllok bad u Chief Executive Member haba shim ïa ki rai kiba kongsan ha ka liang ka policy bad ki kam kiba ïadei bad ki portfolio jong ki. U Chief Executive Member u dang don ka bor ban bishar bniah ïa kino kino ki kot ki sla kiba ïadei bad ki kam kiba la pynbeit ha ki Executive Members.

U Thombor Shiwat, kum u Chief Executive Member, u la bat kham bun ki portfolio ha lade, katba u la pynbeit pat ïa kiwei ki jingkitkhlieh sha ki Executive Members. Ki portfolio ba u bat ki kynthup ïa ka General Administration, Planning, Establishment, Appointment, Posting & Transfer, Administration of District Council Fund, Revenue Receipt, Finance, Budget, Pension, Gratuitous Relief Fund, Investment, Relief & Rehabilitation, Investigation, Share of Royalty on Minor & Major Minerals, Permission & No Objection Certificate na bynta ki karkhana, Legislation of Acts, Regulation & Rules, Land Revenue, Land Reform, Cadastral Survey, Land Holding Certificate & No Objection Certificate, Land Valuation, Non-Encumbrance Certificate, Land Acquisition & Compensation, Land Settlement, Mutation & Relinquishment of Pattas, Land Lease, Buniaj Land, Puja Land, Service Land, Community Land, Religious Land bad Land Rent ha ki jaka jong ka Elaka Nartiang, nalor kiwei pat ki portfolio kiba ym shym la ai ha kiwei ki Executive Members.

U Lasky Rymbai, Deputy Chief Executive Member, uba na ka UDP, la ai ia u ban peit ïa ka Art & Culture, Village & Town Administration, Civil Works, Central Special Assistance Grant, Finance Commission Schemes, State Annual Plan for Financing Own Plan Schemes, Building Schemes hapoh Council Own Fund, Website & Computer Cell, Legal Matters, bad ki kam ba ïadei bad ka khyndew ha ka Elaka Jowai.

U Hambertus Nongtdu, Executive Member, u la ioh bat iaka tnad Forest Administration, Grant-in-Aid for Plantation, Registration of Village & Sacred Grove, Encroachment & Illegal Felling ha ki JHADC Protected Forest, Mining Lease & Regulation of Mineral Extraction, Weighbridges, Working Schemes, Codification of Customary Law, bad ki kam ba ïadei bad ka khyndew ha ka Elaka Nongkhlieh.

U Bisonroy Iano, Executive Member, un peit ïa ka tnad Fisheries, Agriculture & Soil Conservation, bad ki kam ba ïadei bad ka khyndew ha ki Elaka Raliang bad Shangpung.

U Jesse Suiam, Executive Member, un bat iaka tnad Trading by Non-Tribals, Enforcement Machineries, Non-Tribal Employees’ Service Licences, Taxes on Profession, Trade, Employment, Entry Tax on Vehicles, Share of Motor Vehicle Taxes, bad ki kam ba ïadei bad ka khyndew ha ka Elaka Maskut.

U Pheinchwa Nanglein, Executive Member un peit ha kaba iadei bad ka Grant of Licences for Marriage & Vehicle Registration, bad ki kam ba ïadei bad ka khyndew ha ki Elaka Nongingi bad Nongbah.

U Het Pohthmi, Executive Member, un khmih iaka tnad Stationery & Printing, Social Reforms, Coal Extraction & Transportation, Government Housing Policy, bad ki kam ba ïadei bad ka khyndew ha ki Elaka Narpuh bad Darrang.

U Seiborlang Shadap, Executive Member, ula ioh bat iaka Administration of Market Department, bad ki kam ba ïadei bad ka khyndew ha ka Elaka Sutnga.

U Medling M. Swer, Executive Member na ka UDP, un peit iaka tnad Administration of Statistics & Information Department, Town Committee Affairs, bad ki kam ba ïadei bad ka khyndew ha ki Elaka Nongtalang, Saipung, Sumer Sirdarship, bad Amwi.

U Aiborlang Shadap, Executive Member, un peit iaka tnad Political Matters, Political Cases, Election & Appointment of Dolloi/Sirdar & Waheh Shnong, Inter-Elaka Boundary Demarcation, bad ki kam ba ïadei bad ka khyndew ha ki Elaka Shilliang Myntang bad Mynso.

Ka Violet Lyngdoh, Executive Member, kan peit ïa ka Administration of Education & Judicial Department, bad ki kam ba ïadei bad ka khyndew ha ka Elaka Rymbai.