Beh ka KSU Thangrain ia ki bar jylla kiba wan die tiar shapoh shnong

Syllad | The Rising MeghalayaAugust 17, 2023

Ka KSU Thangrain Unit haka sngi Palei, kala beh krad iaki bar jylla kiba thmu ban wan die wan thied hapoh ka shnong khlem ki kot ki sla kiba ioh na JHADC bad ka tnad Labour.

Ka dorbar shnong Thangrain ruh kala mana pyrshah ia kino kino ki bar jylla kiba wan kamai kajih hapoh shnong.

U publicity secretary KSU Thangrain Unit, u Lamdaki Myrchiang ula ong ba kine ki bar jylla ki don saw ngut bad nakaliang ka KSU kala beh iaki hadien ba kim lah ban pyni iaki kot ki sla ba donkam ban khaii pateng ne kamai kajih. Ka KSU ka maham jur ba naduh mynta ka sngi lada ka dang lap ba kin dang wan shapoh u pud u sam jong ka shnong ka seng kan leh da kaba kham tyngeh

Ha kajuh ka por ka KSU kala kyntu ruh iaki trai shnong ban wan ialam daki poiei ban bylla ne ban ia khaïi pateng hapoh ka shnong.