Beh krad ka JTTA iaki bar jylla ba die jain da ki kali ha Jowai

Syllad | The Rising MeghalayaMarch 3, 2022

Ban teh lakam iaka jingwan khaii beaiñ ki bar jylla ha sor Jowai, ka synjuk ki nongkhaii hapoh ka lama jong ka  Jaintia Tribal Traders’ Association (JTTA) kala beh krad iaki bar jylla kiba die jain hapoh ki kali kamai da kaba pyndonkam da ki kor pynsawa ne tynghong bad tyrwa jain kylleng ki dong ki shnat ha Jowai.

Ka JTTA kala hadien ba kala ioh jinjgtip ba don ki kali kamai kiba die jain haki kali ha sor Jowai kala buddien bad kala ioh bat ia kawei ka kali haka thain Electric ne hajan ka ophis MeECL haka sngi Palei.

Haba ki nongialam ka JTTA kila tohkit na kine ki bar jylla bad pan iaki kot ki sla, kine ki bar jylla kim lah ban ai iaki kot ki sla kiba biang.

U Ma Iatha Najiar, president ka JTTA ula ong ba ha kine ki khyndiat sngi kila lap ïaki kali kiba leit tyrwa jaiñ tyrwa nep ha kylleng ka sor Jowai da kaba pyndonkam da ka tynghung ne ki kor pynsawa. Ula ong ba kine ki jain ba wan die kine ki bar jylla ki dei kiba na Uttar Pradesh.

Ka JTTA kala pan jingshai na u DC West Jaintia Hills bad na kaliang u DC ula ong ban kam don kano kano ka jingbit kaba la ai da ka bor district sha kine ki bar jylla ban die iaki jain ki nep sha ki shnong ki thaw.

Kumta na kaliang ka JTTA kala shim iaka sienjam ban buddien ia kine ki bar jylla bad kala ioh bat iaki bad beh krad ba kim bit ban leh iaki kam khaii ne kamai kajih khlem da ioh kano kano ka jingbit.

Une u nongialam ka JTTA ula kyntu ruh iaka JHADC ba kan shimkhia ia kane bad kam dei ban ai trading license pathar, khnang ba ka lad kamai kajih jong ki trai ri ka nym shah ktah bad la banjur iaki trai shnong ban iakhun pyrshah iaki trai shnong kiba leh benami.